الذوق الرفيع)))) للشاعر جمعة بن نايم الكعبي

ذوقك حلو وذوقك رفيع
ويعجبْني الحسْن البديع


ما انْته حلو إنته فضيييع
طيّرت عقلي من حلاك !!


يا حي هالوجه المليح
وياحي هالطبع الصريح


أنظر بعينك وأستريح
لو شفت في عيونك هلاك


ما أدري أسمّيك الدلع
وإلا أسمّيك الولع


وإلا القمر لي من طلع
(لا) أحسن أسمّيك الملاك!!


بسألك و أطلبك الجواب
إنته إتعمّد في العذاب؟


خوفي تقول أيوه وأهاب
في يوم يقتلني غلاك


أذكرك و آسمّي عليك
وأقول يا رب يهَديك


من هو أسير(ن) في يديك
الله يعينه في هواك