خاطرة (ابنة يتيمة فقدت اباها في حادث مروري)

أحبــــتي ..... أنقل إليكم على لسان...طفله ...فقدت ..كل فرحه وكل أمل ..مع فقدانها ..والدها ..في حادث مروري , بسبب السرعة القاتلة والمتهورة ...

ثقيله هالدقايق
اذا كان الوجع
بـ عمر ..انسان
ثقيله يا ثواني
هي بداية... (تمر ازمان )
كريهة يالدموع اللي على خدين طفله
بعمر الورد/ وكبر الجرح حزينه يا الاماني ..ليه ؟ّ
انا مدري وش اللي ماخذينه بس!!
انا مدري من المسؤل ؟!
عن الحصه / عن التلميذ / وآخر درس
انا مدري ..
انا ليه اكتب حروف اللحين ؟!!
احاول...اشرح ..الحزن الدفين
بثرثرات ...حروف ...وغصت عين
حكاية من حرم طفله..
تحس بضحكة الاطفال..
صباح العيد
حكاية (آآآآآه )..
ورجفة أيد ..
بسرعه مر ...
مع الوعد الذي ...ما قدر يوفيه
مع اسماع طفله ...ما تعرف الحزن !لا..

لا..

لا..كانت ما تعرف الحزن ..
تغرد له بصوتها النعسان ..
وتعزف أعذب الالحان ..
(يبه ..عمري ..حبيبي
لا تْأخر ...
ابي ترجع قبل ما انام ..
وتقولي تصبحين بخير ..
مع بوسه على خدي ..
يبه وانام ..
وقبل ما انسى ..يايبه اسمع ..
ابي دفتر رسم أحمر
وابي اقلام للتلوين ..
وابي فستان ...مثل لون
الشموس اصفر ..
وابيك انته ..تلبسني ..
تحمل يا يبه ارجوك ..
تمهل يا يبه ارجوك ..
شوي /// شوي )
وكان آخر ..وصاياها ..
وعلى غفله ...تهور ..
مع سرعة ...بدون حساب ..
ينادي هالرصيف الموت ..
ينادي له ..تعال ...تعال ...
وانتهت قصة...عمر ..انسان
وابتدت ...حيرة.....يتيمه ..
ما اكملت عامها التاسع ..
يضيق بدمعها ..
صمت الشبابيك.. الكئيبه ..
على الجدران ..
(يبه وينك؟!
تعبت انتطر ..
تعبت أتخيل ايدينك ..
يبه وينك ...
تعبت أسأل زوايا البيت ..
تعبت اكذب على دمعي
وارتب عيني وثيابك ...
يبه وينك؟!
الف الدار ..واتذكر ....
هنا ..يمشي ...
هنا يجلس ..
هنا يضحك ..
هنا كنا على شانه
نجي نسهر ..
يبه وينك ؟!
يبه .. يرضيك حالي اللحين ؟!
كرهت المدرسه ...والدرس ..
ولا حد فيني حس ...
تذكرني بغيابك... شهاداتي ..
معلمتي ...
وباب المدرسه ...
والدرس
اصحابي وعلاماتي ..
يبه وينك ؟!
كلامي يا يبه حارق
كلامي مر ...
وانا اقرا في الدفاتر هنا ..
(يوقع ولي الامر)
من اللي فرحتي تتكحل بعينه ؟!
وضحكاته
يبه ..وينك ..؟!
نجحت ..وتختنق فرحه
وسط صدري ..
تجيني الناس وتبارك ....
وهذا الحزن بي حارث ..
ولا تدري ...
باني يتيمه ..
والسبب حادث.. )
يبه وينك؟؟
ثقيله هالدقايق
اذا كان الوجع..بـ عمر ..أانسان
بغيضه يالدموع اللي على خدين طفله
بعمر الورد حزينه يا الاماني ..ليه ؟ّ
حزينه يا الاماني..